Giluwat na sa Sandiganbayan ang warrant of arrest batok kang Senator Jinggoy Estrada human nakitaan og igong basehan o probable cause ang kasong gisang-at sa Ombudsman batok kaniya.
Matud ni Atty. Jojo Lacalinao, ang lead convenor sa Duterte Panagutin Network Campaign, nga usa ka bug-at nga sitwasyon kini tungod kay ang giatubang nga kaso sa senador non-bailable.
Bisan pa man sa mga pamahayag nga pulitika lamang ang tanan, giklaro sa abogado nga miagi ang hukmanan sa ilang desisyon base sa mga ebidensya nga nagpakita og reasonable certainty of conviction.
Tungod niini, nagpaabot karon ang tanan sa dagan sa trial nga posibleng mokabat og pipila ka tuig ayha makab-ot ang hustisya o posibleng pag-abswelto sa senador.
Samtang nagpadayon ang legal nga proseso, gilauman nga mas modako pa ang lantugi kalabot sa anggulo sa pulitika nga gipadayag ni Senator Estrada samtang padayon niyang gipanghimakak ang mga akusasyon batok kaniya.
