Dili pa motoo ang publiko nga tinud-anay ang kampanya batok sa korapsyon sa gobyerno taliwala sa pag-aresto ug pagpaospital sa kanhi Speaker nga si Martin Romualdez.
Sumala ni Raymundo “Ray” Talimio Jr., kanhi opisyal sa Oro Chamber, dako ang posibilidad nga magpyansa o magsilbing testigo sa gobyerno ang gitumbok nga opisyal.
Gidugang sa maong opisyal nga daghan gihapon ang nagduda nga dula-dula o drama ra kini samtang giatubang ni Romualdez ang kasong plunder sa Sandiganbayan.
Sanglit posibleng modamay pa kini og laing mga opisyal, busa gihagit ni Talimio ang kadagkoan sa gobyerno nga imbestigahan kini og maayo aron mapamatud-an nga naglihok gihapon ang hustisya sa nasod.-
