CAGAYAN DE ORO CITY-Nabag-uhan ang Maranao-Muslims sa Ramadan observance sa Marawi City.Kini tungod sa gibiling epekto sa pagpangatake sa grupong Maute-ISIS nga mag-usa ka tuig na Mayo 23 ning tuiga.
Miingon si Autonomous Region in Muslim Mindanao o ARMM 1st District Assemblyman Zia Alonto Adiong nga daghan ang kausaban nga nahitabo ilabina nga libuang Maranao ang maglisod pagsimba gumikan sa pagkadaot sa ilang mga moske.
Dugang ni Adiong kinsa apektado usab sa maong giyera nga nalimitahan sila sa ilang gimbuhaton.
Kini ilabina nga pabiling dili pasudlan ang most affected area tungod sa mga bomba nga wala pa makuha gumikan sa lima ka bulan nga giyera tali state forces batok mga terorista.
