CAGAYAN DE ORO CITY – Gi-angkon sa New Peoples Army nga sila ang responsable sa pagsunog sa mahalong boom sprayer nga iya sa Del Monte Philippines sa Brgy Kalasungay, Malaybalay City Bukidnon.
Gibutyag ni Bukidnon Provincial Police Office Spokesperson Police Captain Jiselle Ester Lou Longgakit nga mismo ang drayber sa truck nga nailang si Oliver Daje ang misulti nga nagpaila kaniya ang mga responsable sa pagsunog sa iyang gimanehong truck.
Dili armado ang mga suspek apan nagdala kinig upat ka galon sa gituohang gasolina. Gisaysay sa drayber nga gipakanaug siya sa truck ug gipadagan sa luwas nga lugar.
Pipila ka minuto human sa iyang pagsibat sa area, midilaab ang truck nga gipahunong sa Plantation 96, Baker-1 sa Sitio Karang-Karang.
Midamyos ang insidente sa gibana-bana P1-Milyon.
