Gihulagway ni Special Assistant to the Governor Celso Abucejo nga impractical ug usik sa panahon ang paghimo pa og corrective measures alang sa 2026 budget sa probinsya.
Base sa pahayag sa opisyal, wala pa’y nasugdan nga harmonization process tali sa executive ug legislative branch aron tul-iron ang mga nakitang kasaypanan sa Sangguniang Panlalawigan.
Gipanghimakak usab niini nga mag-usab pa ang dagan sa pondo tungod kay tulo na lamang ka bulan ang nahabilin sa katapusang quarter aron gamiton ang re-enacted budget.
Tungod sa maong sitwasyon, magpadayon ang kapitolyo sa paggamit sa kasamtangang pondo aron masiguro nga dili mabalda ang sweldo sa mga doktor, nars, ug batakang serbisyo sa katawhan.
