Hingpit nga gipamugos ni Ateneo de Davao University Associate Professor Dr. Christopher Ryan Maboloc nga kinahanglang atubangon na ni Vice President Sara Duterte ang gipasaka nga impeachment trial karon nga giwithdraw na sa prosekyusyon ang tulo ka artikulo.
Gipadayag sa akademiko nga dako nga pilde sa Bise Presidente kon mag-walkout ang depensa tungod kay pwedeng ma-forfeit ang katungod niini nga madungog ug madepensahan ang giatubang nga kaso sa Senado.
Apan, gipunting sa propesor nga pwerte na ka dehado ang Bise Presidente tungod kay gigamit sa mga kontra ang tibuok makinarya sa gobyerno aron mapakgang ang aksyon niini sa politika alang sa tuig 2028.
Busa, gipamugos ni Maboloc nga mahinungdanon nga matubag na gyud ang mga pamasangil aron mahatagan og katin-awan ang publiko.-
