CAGAYAN DE ORO CITY, Philippines – Gikuwestiyon ni Senate Committee on Foreign Relations Chairman Imee Marcos kung nag-una pang mihungaw ang balita nga nangandam na ang Philippine National Police sa ilang augmentation force sa Villamore Airbase Marso 10.
Nunot kini sa gihugon-hugon nga arestohon na si kanhi President Rodrigo Duterte oras nga makabalik sa Pilipinas, human milusad sa ilang campaign sorties sa Hongkong.
Gikatingala ni Marcos kung nganong dili preparado ug halos pinugos ang pagsaka sa abyon nila Philippine Center on Transnational Crime Director Anthony Alcantara aron tabuon ug isilbi ang Warrant of Arrest gikan sa Interpol.
Gikuwestiyon usab ni Duterte kung asa ang hard copy sa mandamiento-de-arresto ilabe nga usa ka papel ug electronic warrant ang dala ni Alcantara.
Kini ang rason nga gipamugos sa kampo ni Duterte nga kidnapping ang nahitabo tungod kay wala pa gani makagawas sa eroplano ang presidente, gilayon kining gisikop sa mga pulis nga naka-atang kaniya sa tugpanahan, taliwala ng walay kopya sa papel nga mga dokumento nga gihawiran ang nagpailang representante sa ICC nga si Alcantara.
