Walay pulos ug band aid solution lang ang pag-ban sa mga online games ug social media batok sa bahad sa pagpamusil sulod sa mga eskwelahan sa nasod.
Gipasabot ni Liberal Youth Northern Mindanao Chairman Andre Josol nga ang krimen sama sa nahitabo sa Cotabato dili tungod sa dula kundi tungod sa pagkasulod sa mga batan-on sa mga peligrosong grupo sa internet.
Gidugang ni Josol nga kinahanglang bantayan pag-ayo sa mga ginikanan ug sa gobyerno ang matag lihok sa kabataan diha sa online aron malikayan ang pagtuo sa mga dautang panan-aw ug kuyaw nga huna-huna gikan sa mga dautang grupo.
Tungod niini, nanawagan ang batan-ong lider nga gawas sa pagpakig-istorya sa mga anak, angay gayud nga subayon ang mga ginakuyogan nga pundok sa kabatan-onan aron maluwas sila gikan sa maong dautang impluwensya.
