CAGAYAN DE ORO CITY – Gibasol ni Provincial Legal Officer lawyer Cerillo Neil Pacana si Movement Against Tyranny in Northern Mindanao Region (MAT-NMR) spokesperson, Fr. Rolando Abejo kung nganong nahimong tensyonado ang pag-dismantle sa barong barong sa mga bakwit diha sa capitol grounds.
Sumala ni Atty Pacana nga nalipay siya kay nasabtan sa mga bakwit ang ilang hangyo nga ihatod na sila balik sa ilang mga pinuy-anan sa Sitio Camansi, Lagonglong, Misamis Oriental.
Gani, gi-ayo pa nila pagguba ang mga barong-barong sa mga IDPs kauban ang mga personahe sa Office of the Building Official.
Hisayran nga wala misakay sa giandam nga sakyanan ang mga bakwit pauli sa ilang lugar inay namalhin sila sa United Church of Christ in the Philippines sa Barangay Macasandig.
Samtang, giawhag ni Movement Against Tyranny in Northern Mindanao Region (MAT-NMR) spokesperson, Fr. Rolando Abejo si Misamis Oriental Gov. Bambi Emano nga abogon ang mga militar nga anaa sa Sitio Camansi, Lagonglong, Misamis Oriental.
Si Fr Abejo miingon nga tungod sa negosyo naggubot ang malinawon nga pagpuyo sa mga lumad sa mong lugar.
Siya miingon nga wala manginahanglan ang mga IDPs ug kalambuan sa turismo tungod kay mabuhi sila nga walay negosyo nga matukod sa lugar.
Gisaway usab sa pari ang akusasyon sa militar nga mga sakop sa rebeldeng NPA ang mga lumad nga nagpuyo sa Sitio Camansi diin hangtud karon dili pa nila makumpirmar ang maong pasangil.
