CAGAYAN DE ORO CITY-Nakabalik sa trabaho si kanhi City Police Traffic Division head Supt Michael John Deloso ug SPO3 Ernesto Galleto ubos sa PNP-10 headquarters sa syudad.
Kini human gibakwi sa Ombudsman ang pag-dismiss nila kang Deloso ug Galleto subay sa kasong pagpangilkil sa usa ka transport group sa dakbayan tuig 2014.
Miingon si Deloso nga gi-reverse sa Ombudsman ang hukom kay dunay gipasaka niini nga susamang reklamo sa lain-laing ahensiya sa gobierno ang complainant nga si Atty Ernie Palanan.
Samtang nasang-at na sa kampo ni Atty Ernie Palanan ang motion for reconsideration o MR sa decision reversal sa Ombudsman sa kasong administratibo batok kanila ni Deloso ug Galleto.
Miingon si Palanan nga walay forum shopping kay bugtong sa Ombudsman lamang ug walay labot sa PNP ang pagsang-at niini sa kaso batok Deloso ug Galleto.
Sila Deloso ug Galleto ang nag-atubang gihapon sa kasong kriminal korte sa giingong pagdawat sa extortion money
gikan Palanan dihang kini gi-entrap sa NBI-10 sa usa ka hotel sa syudad tuig 2014.
