CAGAYAN DE ORO CITY – Dili magpatay-og sa mga pagbiay-biay si City Mayor Oscar Moreno gikan sa iyang mga kritiko samtang tuyo luwason ang katawhan batok sa dugang pagkuyanap sa coronavirus disease sa syudad.M
iingon si Moreno nga dili ang iyang mga kritiko ang rason kon nganong naghago sila’g maayo apan ang katawhan nga dili matakdan sa balatian.
Kabahin sa gitumbok sa mayor ang taga-oposisyon nga si Nixon Baban nga nag-kuwestiyon kon giunsa pagpadagan ang syudad sa panahon sa krisis.
Samtang gikalipay ni Nixon Baban nga nakaabot sa atensyon ni City Mayor Oscar Moreno ang gipanulti niini diha sa social media.
Kini human gipadayag ni Baban ang iyang obserbasyon sa kasamtangang sitwasyon sa mga apektado sa krisis nga nagkinahanglan pag-ayo sa ayuda gikan sa syudad.
Apan miingon si Baban nga wala siya sukad mikausar nga gikawat ni Moreno ang pondo nga alang sa mga apektadong katawhan epekto sa coronavirus.
