Gi-anunsyo ni Department of Interior and Local Government (DILG) Secretary Juanito Victor “Jonvic” Remulla nga hugot nang gidili ang pag-inom sa daplin sa kalsada.
Matod ni Remulla, kini maoy nag-unang hinungdan sa mga panagbangi ug sexual harassment batok sa kababayen-an.
Gisugo usab sa kalihim ang kapulisan ug lokal nga mga awtoridad sa pag-pangdakop sa mosupak niini ubos sa Anti-Public Intoxication Act.
Samtang, giklaro usab ni Remulla nga walay problema kung ang panagtagay mahitabo sulod sa mga balay basta dili lang sa pampublikong lugar sama sa kalsada. (by Phillip Ariata)
