CAGAYAN DE ORO CITY – Gidili sa simbahan ug mga otoridad nga mohimo’g pagpang-itsa sa mga patyo ang mga deboto samtang kamulo ang prosesyon sa Black Nazarene ning syudad ugmang adlawa.
Kini tungod kay gilikayan niini nga adunay posibleng mohimo’g sabotahe nga magbutang sa peligro sa mga deboto ug mismong mga otoridad nga magbantay sa palibot.
Miingon si Rev. Msgr Perseus Cabunoc,kura paroko sa Senior Jesus Nazareno Parish nga masayang lamang ang tulo ka ‘layer of security defense’ nga himoon sa mga otoridad kon malutsan ang kahugot sa seguridad sa kalihukan ugmang adlawa.
Hisayrang daghang mga pulis ang magpalibot sa karo diin nagsakay ang Nazareno aron hatagan sa seguridad ang prosesyon.
