Labihan ang kalagot sa human rights group nga iDEFEND tungod sa gihimong pag-party sa Malacañang samtang halos tulo na ka semana nga nag-antos sa lubog nga baha ang katawhan sa Metro Manila ug Central Luzon.
Numero unong gidemanda ni Judy Pasimio, ang spokesperson sa iDEFEND, nga imbes mag-usik og panahon sa mga kalingawan, kinahanglang hatagan dayon sa pangulo og seryosong pagtagad ug solusyon ang ugat nga hinungdan sa pagbaha.
Gipasabot sa grupo nga wala na usab kapasilongan o kadaganan ang tubig sa dakbayan tungod kay 85 porsiyento na sa kadalanan ang ginama sa semento ug aspalto, samtang padayon nga gidaot ang kakahoyan sa Sierra Madre tungod sa mga proyekto sa dagkong korporasyon.
Gituldokan ni Pasimio nga kon dili kini lihokon dayon sa kagamhanan ug magpadayon lang ang kalingawan sa Malacañang, kanunay na lang mag-antos sa grabeng perwisyo sa baha ang mga lungsod ug lalawigan kada adunay pag-ulan.
