PC:BUKSU
CAGAYAN DE ORO CITY-Pa-imbestigaran ni Misamis Oriental 2nd District Representative Juliette Uy ang tinguha sa Commission on Higher Education o CHED nga tak-upan ang Bukidnon State University External Study Centers sa lalawigan ug bisan sa Bukidnon.
Kini sa tuyo nga masayran ang bug-at nga rason sa CHED nga wad-on ang BSU-External Study Centers diin makaapektar sa mga tinun-ang kabus gikan sa mga lungsod ug munisipyo.
Gihimo ni Uy ang pahayag atol sa gihimong public consultation tinambungan sa mga hingtungdang ahensiya sa USTP gym ning syudad kaganihang buntag.
Hisayrang bisan kaniadto si Misamis Oriental Vice Governor Joey Pelaez ang mihingusog pagsanta sa CHED nga sirad-an ang BSU-ESC sa lalawigan.
