CAGAYAN DE ORO CITY – Walay illegal sa gisudlan nga kasabutan tali sa buhatan ni Provincial Gov.Peter Unabia sa pribadong health provider aron maoy mohatag sa medical health services sa katawhan sa Misamis Oriental.
Kini human sudli sa kapitolyo-probinsyal ang Public Private Partnership tali sa Premier 101 Healthcare Management Incorporated haom sa Paglaum Medical Unified Health Centers diin sulod niini ang walo ka provincial hospitals.
Namahayag si Roy Waga,consultant sa Misamis Oriental Provincial Information Office nga gitugot man sa balaod ang pagsulod sa matag-gobierno sa PPP.
Kini tungod kay daghan na nga local govt units ang mihimo niini ug dili lang ang lalawigan.
Siya miingon nga kung tinud-anay nga nagpakabana ang kanhi bise-gobernador, nganong hilom siya sa gisudlan usab nga kontrata sa Department of Transportation o DOTR nga PPP aron dumalahon nga pribado sa 35 ka tuig ang Laguindingan Airport .
