Dili pwedeng gamitong rason sa Office of the Solicitor General ang judicial overreach aron tabonan ang ilegal nga pagkuha sa pondo sa PhilHealth.
Mao kini ang pahayag ni United People’s Initiative President Atty. Virgilio Reyes Garcia sa eksklusibong pakighinabi sa Bombo Radyo human gideklarang unconstitutional ang pagbalhin sa pondo sa PhilHealth ngadto sa unprogrammed funds.
Gitin-aw sa abogado nga gihimo ra sa hukmanan ang trabaho niini sa pagpahunong sa pagbalhin sa bilyun-bilyong piso nga badyet gikan 2024 hangtod 2026.
Gumikan niini, nanawagan ang grupo nga sundon sa gobyerno ang desisyon aron mapanalipdan ang pondo sa PhilHealth alang sa katawhan.
