CAGAYAN DE ORO CITY-Gihangyo sa Maranao-Muslim evacuee kang Pres Rodrigo Duterte nga mapadali ang pagpulbos sa mga teroristang Maute nga nagsabwag kagubot sa Marawi City ug silingang mga lungsod sa Lanao del Sur.
Apelar kini sa maong bakwit nga tungod sa giingong kamatayon sa iyang duha ka igsoong babaye nga naigo sa bomba sa Brgy Manabang,Tamparan,Lanao del Sur.
Saysay niini nga gusto unta niya nga modalikyat sa iyang mga igsoon apan gidid-an sila sa militar tungod sa ka-delikado sa lugar.
Samtang gibalibaran sa Maranao-Muslim evacuee nga si alyas Mysterious Boy ang pag-recruit kaniya sa teroristang Maute atol sa pagbuto sa kagubot sa Marawi City.
Kini human siya aghata nga mouban sa mga terorista aron pakigbatukan ang mga sundalo nga migukod kanila sukad pa sa miaging semana.
Gibutyag niini nga unta mapadali na sa militar ang paghipos sa mga t terorista tungod kay dako na’g kadaot nga nahimo sa ilang kinabuhi ang nahitabo sa Marawi City ning panahona.
