CAGAYAN DE ORO CITY- Dakong kawad-on sa probinsya sa Misamis Oriental ang pagbiya ni Department of Interior of Local Government Provincial Director Eduardo Bhagwani.
Matud ni Misamis Oriental Governor Yevgeny Vincente Emano nga mapasalamaton siya sa serbisyo nga gihatag ni
Bhagwani alang sa Misamis Oriental ilabina nga nakab-ot sa lalawigan ang back to back nga Seal of Good Local Governance o SGLG.
Naglaum si Emano nga hulipan si Bhagwani sa opisyal nga susama niya kapas ug kalidad.Samtang nagpasalamat si Bhagwani kang Emano.
Siya miingon nga nakakuha sa mga pasidungog ang lalawigan tungod usab sa pagpaningkamot ni Emano ug igo lamang siya miabag sa mga programa niini.
Hisayran nga nanamilit na si Bhagwani human siya ma-promote isip assistant regional director sa DILG-9.
