Giinsistir ni De La Salle University College of Law Professor Atty. Jojo Lacanilao nga usa lamang ka delaying tactic o pamaagi sa pagpalangan sa Senado ang pag-remand sa impeachment complaint batok kang Vice President Sara Duterte.
Dugang pa ni Lacanilao, walay probisyon sa Konstitusyon ang maong lakang ug ginama-gama lamang kini aron malangan ug dili madayon ang pag-abli sa kaso.
Gitudlo usab sa abogado si Senador Alan Peter Cayetano nga maoy nagpasiugda sa maong taktika pinaagi sa pagpabalik sa reklamo ngadto sa Kamara de Representantes.
Tungod sa maong pagpalangan ug sa pagsugod na sa proseso sa Senado, giisip nga moot o walay na’y kapuslanan ang kontrobersya sa Korte Suprema sa maong hisgutanan.
