Gisaway og maayo ni Barangay Chairman Jaime Frias sa Barangay 23 sa Dakbayan sa Cagayan de Oro ang sugyot nga himoong prayoridad ang civil service eligibility para sa mga magpapili sa Barangay ug Sangguniang Kabataan tungod kay usa kini ka paglapas sa Konstitusyon.
Gitin-aw sa kapitan nga nakatala na sa balaod nga basta makahibalo lang mobasa ug mosulat ang usa ka kandidato, aduna na kini katungod nga modagan ug moserbisyo sa iyang komunidad.
Dugang pa ni Frias, daghang mga maayong opisyal gikan pa niadtong tuig 2011 ang nakahatag og nindot nga serbisyo pinaagi sa pagbansay ug kasinatian kaysa magsalig lang sa giingong eligibility.
Gipahayag usab sa opisyal nga dili masulbad sa maong rekisito ang panginahanglan sa matag dapit tungod kay bisan gani ang mga abogado maglisod man sa tinuod nga dagan sa serbisyo sa barangay.-
