Gihulagway ni kanhi Bayan Muna Partylist Representative Atty. Kaloi Zarate nga sama sa kutsilyo nga duha ka sulab nga pwedeng makasamad sa bisan kinsang modawat niini ang posibleng pag-testify ni Col. Raymund Dante Lachica sa Impeachment Court.
Sa iyang interbyu sa Bombo Radyo iyang gitin-aw nga dako ang risgo kon ang prosecution ang mopatawag sa maong testigo kay daw mura kini og nangita og pruweba sa ngitngit kaayong kwarto tungod sa kawala’y gihuptang pormal nga testimonya gikan sa House Justice Committee.
Ug kon ang depensa man ang magpatawag sa maong opisyal aron mo-esplikar sa mga punto nga wala matubag sa 2 ka unang testigo nga sila Acosta ug Ortoño, malimitahan gihapon ang pagpangutana kay gidili ang paggamit og leading questions sa kaugalingong testigo tungod kay dili kini pwedeng ideklara nga hostile witness.
Tungod niining mga legal nga limitasyon ug risgo sa matag bahin, gipahayag ni Zarate nga dili pa gyud masulti kon kinsang kampo ang mabenepisyohan o maperwisyo samtang wala pa nadungog ang mismong testimonya sa korte
