Gisupak ni Cobbie Jan Canda gikan sa Kabataan Partylist ang sugyot ni Senator Robin Padilla nga ipaubos ang criminal responsibility gikan sa 15 anyos ngadto sa 10 anyos human sa nahitabong krimen sa Tacloban.
Sa iyang panahom, dili kini makasulbad sa nag-unang problema sa mga kabataan tungod kay ang nakita niyang hinungdan sa paglihis sa ilang agianan mao ang na-normalize nga kultura sa violence ug impunidad.
Dugang pa ni Canda nga ang mga bata anaa pa sa proseso sa pagtubo ug hinay-hinay pa lamang nga nakat-on sa pag-ila sa husto ug sayop.
Bisan gani ang kasamtangang 15 anyos nga limitasyon para kaniya kulang pa kon itandi sa mga standard sa laing mga nasod.
Tungod niini, nanawagan siya nga dili kini angayang ipatuman kay dili gyud niini matubag ang tinuod nga hinungdan sa maong problema.
