CAGAYAN DE ORO CITY – Nasikop sa kapolisan ang suspected police imposter ug nagpaila nga pag-umangkon ni IFI Bishop Felixberto nga unang gi-reklamo sa pagpangilkil sa market vendors diha sa westbound terminal sa Brgy Bulua sa syudad.
Kini human mihimo’g hiniusa nga operasyon ang kapolisan sa syudad ug Bukidnon rason nadakpan si Glen Calang,35 anyos,may kaipon nga taga-Brgy Bayabas ug nagtagu-tago sa Brgy Danatag, Baungon.
Nakuhaan pa sa video ang suspek nga nagpailang pulis dihang gihimo ang krimen.
Gibutyag ni Cagayan de Oro City Police Office o COCPO spokesperson Maj Evan Viñas nga una na nilang nadakpan ang suspek tuig 2017 sa susamang kalihukan.
Kasong robbery extortion ang ipasaka batok sa suspetsado sunod semana.Sa pagkakaron,wala pa mohatag sa komento ang obispo sa IFI kabahin sa pagkadamay sa iyang pangalan.
