Gipadayag sa prosecution panel ang ilang bug-os nga pagsuporta sa desisyon sa Impeachment Court nga usbon ang pamaagi sa pag-ihap sa boto aron masiguro ang kaangayan ug patas nga hustisya alang kang Bise Presidente Sara Duterte.
Gibutyag ni Prosecution Panel Spokesperson ug kanhi Representative Robert Ace Barbers nga importante kaayo kini nga lakang aron ang mga senador ra nga kanunayng motambong ug modungog sa testimonya sa mga testigo ang makahatag og desisyon.
Gitin-aw sa maong opisyal nga mahimong “unfair” ug walay hustisya para sa Bise Presidente kon makaboto ang usa ka senador nga sige lang og ka-absent ug wala nakasubay sa mga ebidensya sa kaso.
Tungod sa maong pagbag-o sa lagda, gipagawas sa ihap ang 4 ka senador hinungdan nga sa 20 na lang ka miyembro gibase ang 2/3 nga lagda sa Konstitusyon.
Pinaagi niini, 14 na lang ka boto ang kinahanglan aron siya ma-kombikto samtang 7 ka boto na lang alang sa iyang pagka-absuwelto aron masiguro ang pinal ug patas nga hukom.
