Gihulagway ni Ateneo de Davao University Professor Christopher Maboloc nga usa ka klarong manipulasyon sa Konstitusyon ang pagpaubos sa voting threshold ngadto sa 14 ka boto gikan sa 16 para makombikto si Bise Presidente Sara Duterte.
Sumala ni Professor Maboloc, gihimo lamang ang maong pag-usab tungod kay kulang ang ebidensya batok sa Bise Presidente ug dili nila maabot ang gikinahanglang gidaghanon sa boto.
Gipamugos sa maong propesor nga nagpabilin gihapon nga 24 ang kinatibuk-ang miyembro sa Senado, busa kinahanglang ipatuman gihapon ang 2/3 requirement aron mapanalipdan ang kalig-on sa balaod ug dili maabuso ang sistema.
Labaw sa tanan, nagpasidaan ang akademiko nga ang paglapas sa maong lagda maghatag og peligro sa hustisya ug maguba sa integridad sa Impeachment Court.
