Sukwahi sa panawagan sa kadaghanang grupo nga wagtangon ang political dynasty sa nasod, gipahayag ni CoRRECT Movement Lead Convenor Orion Perez Dumdum nga dili ang pagdili sa dinastiya ang solusyon sa korapsyon.
Gipasabot ni Dumdum nga dili garantiya nga walay korapsyon kon dili gikan sa pamilya sa politiko ang usa ka lider, kay bisan ang dili sakop sa dinastiya mahimo gihapon nga korap.
Tungod niini, mas gipangusgan sa grupo ang paghimo og usa ka lig-on nga sistema nga makatangtang sa mga walay klarong opisyal ug makasiguro nga puros lang kadtong adunay maayong kalidad ug kapasidad ang makadagan sa pwesto.
Dugang pa ni Dumdum, kinahanglang mobalhin ang nasod ngadto sa parliamentary system aron ang sistema na ang mopagawas ug mopakaulaw sa mga incompetent nga opisyal nga wala nay gikinahanglang dugang nga mga ban sa balaod.
