Subli mitumaw ang panagbangi sa duha ka armed group sa Al Ajaylat, 80 km kasadpan sa Tripoli, Libya.
Segun sa report, ang kagubot gisugdan sa pundok sa Al Ajaylat ug Al Zawiya.
Gigamit sa duruha ang bug-at nga armas sama sa mga mortar nga nakadaot sa daghang balay ug naghatag kabalaka sa seguridad sa rehiyon.
Ang mga bidyo sa sosyal nga media nagpakita sa daghang presensya sa armado nga mga elemento samtang nagpadayon ang pagpamusil.
Tungod niini, ang mga eskwelahan sa lungsod mihunong sa klase aron masiguro ang kaluwasan sa mga estudyante.
Ang lugar nailhan nga sentro sa pagpangawat ug pagpangsmuggle sa lana ug migrasyon nga nagpalig-on sa presensya sa mga armado.
Sukad sa pagkahulog ni Muammar Gaddafi niadtong 2011, ang Libya nagpadayon nga nabahin sa duha ka gobyerno ug kanunay adunay panagbangi nga nagresulta sa kaswalti.
