Mismo ang kanhing diplomat nga si Atty. Jojo Lacanilao, nakurat sa pag-withdraw sa prosekyusyon sa tulo ka artikulo sa impeachment trial batok sa bise presidente.
Gitin-aw sa abogado nga nasabtan niya ang kalagot sa defense panel tungod kay nawad-an sila og higayon nga makapakita og depensa, apan katungod gihapon sa prosekyusyon ang pag-withdraw sa kaso.
Gawas niini, gisayangan ang opisyal sa una nga sugyot sa mga senador nga mag-presentar dayon og ebidensya ang matag bahin sa matag artikulo tungod kay gibalibaran kini kaniadto sa depensa.
Subay sa nahitabo, gipahayag sa kanhing diplomat nga wala siya’y nakitang legal nga problema sa gihimong lakang sa prosecution panel.
