CAGAYAN DE ORO CITY – Wala nagkulang sa paghatag pahimangno ang PAGASA-Mindanao region pinaagi sa ilang facebook posts kabahin sa isyu sa ‘shearline’ weather system o pagtagbo sa init ug bugnaw nga hangin nga mi-resulta sa mga pag-ulan ug baha sa dakong bahin sa Northern Mindanao.
Kini ang tubag ni PAGASA-Mindanao weather services chief Anthony Joseph Lucero sa pasangil ni Misamis Occidental 2nd District Cong. Sancho ‘Ando’ Oaminal nga nagpasagad o may kakulangon ang gobierno aron ma-alerto ang katawhan batok sa dautang panahon.
Siya miingon nga walay basehan ang mga pagbasol-basol kay gihimo nila ang ilang trabaho aron lamang masayod ang katawhan sa angay buhaton kabahin sa kahimtang sa panahon niadtong tungura.
Una niini,nanganti si Oaminal kuyog si Misamis Occidental 1st District Cong. Jason Almonte nga pag-imbestigaran nila pagbalik sa regular session sa kamara ang daw kapalpakan sa PAGASA ug NDRRMC.
