CAGAYAN DE ORO CITY – Ensakto ang hukom ni Pres Bongbong Marcos nga badlungon ang kamarabaha nga nagkisi-kisi nang ipalagpot sa katungdanan pinaagi sa impeachment proceedings si Vice Pres Sara Duterte.
Kini human nagpungasi ang mga imbestigasyon ug mga pagguba kang VP Sara gamit ang isyu sa confidential ug intelligence funds sa Office of the Vice President ug DepEd.
Miingon si CWGG 10 convenor Atty. Antonio Soriano nga haom kini nga higayon nga ipabati ni Marcos ang iyang presensiya kay daw nabantayan sa katawhan nga walay presidentee ang nasud.
Siya miingon nga dili disbentaha apan dakong pabor kang Duterte ang pagguba kaniya kay dili gihapon molampos ang impeachment case pag-abot sa senado.
Una usab niini,nakasaway si kanhi IBP-Misamis Oriental chapter president Atty. Eddie Cuaresma sa daw pagpatoong limpyo sa kamarabaha apan daghang isyu samtang gipaubos sa imbestigasyon si VP Sara.
