CAGAYAN DE ORO CITY, Philippines – Dili angay ikasuko sa kapin 32 milyon ka mga supporters ni Bise Presidente Sara Duterte ang pagtaral kaniya sa impeachment.
Reaksiyon kini ni kanhi Integrated Bar of the Philippines – Misamis Oriental Chapter Chairman Atty Eddie Cuaresma, human mihulga si VP Sara sa usa sa iyang mga interview nga dili na magkomento kalabot sa iyang impeachment kay basin magkagubot ang tibook Pilipinas.
Gi-awhag ni Atty Cuaresma ang mga senador nga lihok ang mando sa balaod kay subay sa 1987 constitution, kinahanglan mu-abante gilayon ang hearing sa impeachment oras nga ma-endorso sa Kamarabahana ang ilang dokumento sa impeachment.
Gihagit usab sa beteranong abogado ang mga senador nga likayan ang magka “payaso” o clown nga nagsunod-sunod lang sa dikta sa ilang mga amo.
Una niini, gisaway ni Cuaresma ang pipila ka senador sa 19th congress kay labing daghan kanila midaug lang dala sa sayaw-sayaw ug karisma sa pagka entertainer sa showbis.
