Gikondenar ni ACT Philippines Chairperson Ruby Bernardo ang padayong pagtratar sa mga magtutudlo sa nasod nga baratong labor panahon sa eleksyon samtang nagsaulog sa National Teachers’ Month.
Nanawagan si Bernardo nga kinahanglang hatagan og saktong bayad ang mga teachers nga magsilbi sa BSKE elections ug tanggalon na ang mga dugang non-teaching duties sa mga tunghaan.
Gipadumduman sa pundok nga nag-una gihapon sa ilang demanda ang pagpakaayo sa suhilan ngadto sa 50,000 pesos nga entry-level salary para sa pampubliko ug pribadong magtutudlo.
Giduso usab sa maong opisyal ang pagpataas sa badyet sa edukasyon aron mabawi ang 44.5 billion pesos nga pagkaubos sa pundo para sa libro ug school feeding program sa 2027 budget.-
