CAGAYAN DE ORO CITY – Midamyos sa sobra 40 milyones pesos ang grabeng pagbaha nga miigo sa halos napulo ka barangay sa syudad sa Malaybalay,Bukidnon.
Kini sumala sa pasiunang dataos gikan sa Malaybalay City Disaster Risk Reduction and Management Council o CDRRMC gumikan sa kadaot sa daghang kabalayan nga gipuy-an sa 2-mil 161 ka pamilya ingon man sa sector sa agrikultura.
Matud ni Malaybalay City Mayor Jay Warren Pabillaran nga kini ang rason nga gipatuman nila ang state of calamity sa pito ka brgy nga grabeng naapektuhan sa pagbaha niadtong Hunyo 25 hangtod 26 ning tuiga.
Siya miingon nga pinaagi sa maong deklarasyon,magamit nila ang tipik sa 30 porsiento sa ilang quick response fund alang sa mga apektado sa kalamidad.
Dumduman nga mikostar sa sobra 20 milyones pesos ang damyos sa mga pananom ug mga kahayupan ingon man laing P20.8 million ang gikan sa mga humay,mais, high value commercial crops ug pangisdaan.
Hisayrang tipik sa mga apektadong brgy nga ubos sa state of calamity tungod sa pagbaha ang Apo Macote;San Martin;Sinangalanan;Simaya; Violeta; Managok ug Sto Niño diin nagsumikad ang 2-mil 161 ka pamilya nga nahasol sa kalamidad.
