Pagbalhin gikan sa Presidential ngadto sa Parliamentary system ang kausaban sa pamunoan nga gustong makita sa CoRRECT Movement sa panggamhanan sa mga mosunod nga tuig.
Gipasabot ni Lead Convenor Orion Perez Dumdum nga kining pag-usab sa sistema mas makatabang sa pagpili og mga kwalipikadong lider kaysa sa pagdili sa political dynasty.
Gihimong pananglitan sa grupo ang Singapore diin ang anak sa kanhi lider nga si Lee Kuan Yew nga si Lee Hsien Loong nagpakita og maayong pagdumala pinaagi sa parliamentary setup.
Tungod niini, gihatagag kabug-aton nga mas maayong usbon ang sistema sa gobyerno aron masala ang mga kandidato ug kadtong adunay integridad ra ang makaserbisyo sa katawhan.-
