CAGAYAN DE ORO CITY – Gisupak ni Cagayan de Oro 2nd District Rep Rufus Rodriguez ang laraw sa Dept of National Defense o DND nga wad-on na ang pasilidadis sa 4th ID,Philippine Army diha sa Camp Edilberto Evangelista ning syudad ug ibalhin duol sa dakbayan sa Butuan.
Kini human nabulgar sa budget hearing alang sa ahensiya nga wala na’y gi-alokar nga pondo ang national govt alang sa dugang pagpalambo sa 4th ID headquarters sa tuig 2021 tungod sa tinguha nga ibalhin na kini sa laing lokasyon sa Mindanao.
Miingon si Rodriguez nga anaa sa maayo nga strategic location ang kampo sukad sa ikaduhang gubat sa kalibutan rason nga angay kining magpabilin dinhi sa rehiyon.
Hisayrang sakop sa 4th ID ang mga lugar sa tulo ka probinsya sa Northern Mindanao ug tibuok Caraga Region.
