CAGAYAN DE ORO CITY – Walay plano nga ilbahin sa laing lokasyon o ibaligya ang yuta nga gitindugan sa kasamtangang Camp Evangelista diin nagsilbing 4th ID headquarters diha sa Brgy Patag ning syudad.
Kini ang tubag ni retired AFP chief of staff Gen.Nemesio Gacal nga tipik sa opisyal sa Dept of Nat’l Defense sa pangutana ni Misamis Oriental 2nd District Rep. Bambi Emano kabahin sa laraw sa konseho sa dakbayan nga ibalhin sa Brgy Dansolihon ang maong kampo.
Miingon ang kongresista nga gikabalaka niini ang maong tinguha hinungdang kusganon niya gisuportahan ang baruganan ni NEDA 10 regional director Myra Cariño nga angayang magpabilin lamang sa original site ang kampo sa syudad.
Una niini,may napasar nga mga resolusyon sa konseho diin naghangyo kang Pres Bongbong Marcos,DND ug AFP nga madali na kini mabalhin kay alang sa proponent niini nga dili kampo tan-awon ang kahimtang sa Camp Evangelista.
Samtang nakaandam si Emano nga ipalambo pa ang kahimtang sa Camp Edilberto Evangelista nga kasamtangang headquarters sa 4th ID.
Apan miprangka ang kongresista nga hingusgan niya ang pagbabag kon dunay balaodnon nga mapasar niini sa hawanan sa kamarabaha.
Pagpalanog kini nga pagsupak ni Emano kon mosanong sila Cagayan de Oro 1st District Cong. Lordan Suan ug 2nd District Rep. Rufus Rodriguez sa ihangyo sa konseho nga mo-sponsor sila’g balaodnon alang sa maong katuyuan.
Namugos kini nga kon mawala ang kampo,dakong kawad-on kini alang sa katawhan dinhi sa dakbayan ug lalawigan.
