Giisip ni dating Oro Chamber Economic Development Committee member Ray Talimio Jr. nga normal ug kabit sa demokrasya ang gipagawas nga pagsupak sa pipila ka konsehal batok sa planong 8.5 billion pesos nga loan alang sa bag-ong Government Complex.
Subay sa pahayag sa opisyal, ang pangunang papel sa minorya mao ang pagpaminaw ug pagpahigayon og fiscalization, apan dili kini pwedeng magpaluya sa mga maayong plano sa dakbayan.
Gitin-aw usab ni Talimio nga dili basta-basta o “suntok sa buwan” ang pagpangutang tungod kay moagi kini sa masusi nga feasibility study ug mga criteria gikan sa BLGF ug bangko sama sa Landbank.
Tungod niini, gipasalig sa kanhing lider nga haom ug sumala sa saktong lagda sa balaod ang tanang lakang nga gihimo karon sa panggamhanan.
