Nagtuo si Oro Chamber President Engineer Al Brito nga usa na ka kasaysayan ang gipakitang serbisyo sa kasamtangang City Hall ug panahon na aron hatagan kini og kabag-ohan aron makaangay sa usa ka highly urbanized city.
Apan gihangyu sa opisyal nga kinahanglang transparent ug bukas ang tanang proseso gikan sa pagtuon hangtod sa pagpatuman sa 8.5 billion pesos nga Government Complex.
Gidayeg usab ni Brito ang gihimong thorough assessment sa Technical Working Group diin 30 ka enumerators ang gipakatap sa 80 ka barangay aron kuhaon ang bahin sa trapiko, kalikopan, ug socio-economic situation.
Busa gihangyo sa business sector nga ipadayon ang ka-transparent sa proyekto aron masiguro nga magmapuslanon ug epektibo ang bag-ong complex alang sa tanang negosyo ug residente sa dakbayan.-
