CAGAYAN DE ORO CITY – Dakong kasupakan sa balaod ang gihimo nga pagpangbalhin sa ubay-ubay’ng mga trabahante sa city hall sa dili nila orihinal nga mga work of assignment.
Kini ang pasidaan ni kanhi City Mayor Oscar Moreno nunot sa iyang nadunggan nga nangabot na sa hinterland brgys ang pipila ka city hall workers kay maoy gipatuman nga mando ni City Mayor Klarex Uy.
Miingon si Moreno nga sa iyang panahon nga nagdumala kini sa city hall,wala niya buhata ang pagpangbalhin sa mga empleyado kay nasayod siya sa limitasyon sa balaod.
Siya miingon nga peligro nga makasuhan si Klarex sa husgado kung padayon niya nga buhaton kini sa mga empleyado.
Giaghat pa gani niini ang maong mga empleyado nga modangop sa mga abogado aron magiyahan kabahin sa angayang buhaton sa ilang kasamtangang nga kahimtang.
