Sa gipahigayon nga pinal nga Miting de Avance sa United Bangsamoro Justice Party sa Cotabato City ug Camp Darapanan, gipasabot sa liderato sa Moro Islamic Liberation Front o MILF nga usa ka dako ug bililhon nga pagbalhin sa ilang pakigbisog ang mahitabo karong eleksyon—gikan sa paghawid og armas ngadto na sa pagboto.
Gipahayag ni MILF Chairman Ahod “Al Haj Murad” Ebrahim nga ang BARMM Parliamentary Election ang bag-ong entablado alang sa ilang kaugalingong pagdumala sa rehiyon.
Gipamugos usab ni Ebrahim nga ang maong piniliay kay kabahin sa kasabutan sa kalinaw human sa upat ka dekada nga paningkamot sa mga Moro.
Mitiwas ang opisyal sa iyang pahayag pinaagi sa pagpresentar sa mga programa sa United Bangsamoro Justice Party nga maoy pundasyon sa ilang pagpandidato sa rehiyon.
