CAGAYAN DE ORO CITY – Gikasuko sa militar ang pagbalibad ni 1991 Nobel Peace Prize Laureate Aung San Suu Kyi nga lugwayan sa laing usa ka tuig ang liderato ni Myanmar’s commander -in-chief Senior Gen Min Aung Hlaing.
Kini ang rason nga gi-ilog ni Gen Min Aung ang liderato ni Suu Kyi pinaagi sa kudeta ug gipatoo nga dunay tikas sa miaging 2020 elections sa maong nasud.
Gibutyag ni Bombo Radyo international news correspondent Marisa Per nga tungod sa pagdumili ni Suu Kyi,hilom nga giplano usab sa militar nga kudetahon ang pagdumala niini.
Hisayrang tuyo usbon ni Suu Kyi ang balaod nga nagdili sa gobierno nga ma-background check ang mga kalihukan sa military officials sanglit sila ang nanag-iya sa dagkong mga kompanya sa maong nasud.
