Manguna sa usa ka dako nga lihok-protesta karong Setyembre 12 ang mga residente batok sa giingong bug-at nga bayronon sa kuryente ug sa planong pagbaligya sa Agus-Pulangi Hydroelectric Complex.
Gipadayag ni Mindanao Power Consumers Federation Chairperson Dr. Melchie Ambalong nga dili na gayud makatarunganon nga pasagdan ang pagsaka sa presyo sa kuryente sa Iligan nga miabot na sa 15 pesos matag kilowatt-hour, samtang nagpabilin sa 12 hangtod 13 pesos lamang ang kasagarang singil sa tibuok Mindanao.
Gawas pa niana, magtapok ang mga tawo sa alas tres sa hapon sa post office aron magpahigayon og mga diskurso, sa dili pa magmartsa paingon sa opisina sa Iligan Light and Power Incorporated o ILPI.
Tungod niini, gipahugtan sa maong lider ang ilang walo ka tunhay nga panawagan aron paminawon ang katawhan ug dili gayud itugot nga maadto sa kamot sa mga kapitalista ang mga planta sa enerhiya.
