Nanawagan karon ang kagamhanang lokal ngadto sa mga residenteng adunay katakus nga mobayad sa amusement rides sa Maryrose Carnival nga dili na makigdugok sa libreng sakay aron mahatagan og higayon ang ubang mas nagkinahanglan.
Sumala pa kang CDRRMD Manager Nick Jabagat, magpatuman sila og mga limitasyon gikan sa alas singko sa hapon hangtod sa alas dose sa gabii aron malikayan ang paghuot sa maong lugar.
Gitin-aw usab sa opisyal nga gitumong kini nga lakang aron maayo nga madumala ang gidaghanon sa mga tawo nga modagsa alang sa maong kalingawan.
Apan hinuon, kon gamay ra ang tawo sa maong dapit, tugotan ra gihapon ang mga sumasakay nga makabalik-balik og linya sa entrance aron mas ma-enjoy nila ang libreng sakay.
