Gipasidaan ni kanhi Department of National Defense Secretary Norberto Gonzales nga mahimong mobalik ang kagubot sa BARMM kon dili usabon sa gobyerno ang plano sa pagdumala sa rehiyon.
Gitin-aw sa kanhi opisyal nga nagagikan ang kabalaka sa pagtan-aw nga walay klarong lugar ang MNLF sa kasamtangang panggamhanan.
Tungod niini, gisugyot sa kanhi kalihim nga kinahanglang makig-estorya pag-usab ang gobyerno aron mag-uban ang MNLF ug MILF sa pagdumala sa BARMM.
Dugang ni Gonzales, kinahanglan usab nga bantayan ang lihok sa mga langyaw nga nasod basin magpadala na usab sila og pondo sa mga bag-ong armadong grupo ug rebeldeng faction sa rehiyon.-
