CAGAYAN DE ORO CITY -Dili makiangayon sa katawhan nga pugngan sa Commission on Elections o Comelec ang pagbaligya sa gobierno sa bugas balor sa tag-20 pesos kada-kilo.
Kini ang pagsaway ni Atty. Antonio Soriano,convenor sa CWGG 10 kabahin sa gipatuman nga pag-ban sa social services program sa local govt units diin naglakip sa pagsugod na’g baligya sa NFA rice sa Cebu ug Iloilo City sa sugod Mayo 1.
Miingon si Soriano nga nag-unan nga panginahanglan sa katawhan ang bugas rason nga dili angayang apilon sa pag-ban sa Comelec.
Siya miingon nga mas maayu kung adunay mga indibidwal nga moduso’g sumbong batok sa Comelec aron masuta kung ensakto ang ilang gihimo o pag-abuso sa ilang gahom.
Hinoon,una nang namahayag si Soriano nga kung lantawon sa negatibo nga perspektibo,dayag nga pagpamulitika ang gihimo ni Pres Bongbong Marcos nga pagpatuman sa rice subsidy program.
