Pabilin nga nag-antos sa kalisud ang mga biktima sa main affected areas sa Marawi City bisan pa sa mga bag-ong karsada ug estruktura siyam ka tuig human sa kagubot.
Gipadayag ni Moro Consensus Group Chairman Drieza Lininding nga layo pa sa tinuod nga pagbangon ang dakbayan tungod kay daghan paring mga bakwit ang nagpuyo sa mga temporary shelter ug nagdepende sa ayuda.
Dugang pa sa opisyal, mas gipahugtan na ang pagbantay batok sa violent extremism nga gikan sa gawas sa nasud aron mapanalipdan ang komunidad.
Busa, gipanawagan sa grupo ang padayon nga paghatag og tinuod nga suporta sa mga biktima ug pagpalig-on sa kalinaw sa tibuok rehiyon.
