Malamposon ug walay nakitang dakong samok sa nahuman nga BARMM Parliamentary Election sa tibuok Lanao del Sur.
Mao kini ang pinal nga pagtan-aw ug post-assessment ni Mike Palawan sa NAMFREL Marawi human sa ilang paglibot ug pag-inspeksyon sa mga botohanan.
Gitin-aw ni Palawan sa iyang interbyu sa Bombo Radyo nga base sa ilang monitoring, naatiman pag-ayo ang mga senior citizen, PWD, ug mga mabdos sukad pa sa pagsugod sa botohan sa sayo pa lang sa buntag.
Gidugang sa opisyal nga tungod sa maayong pagplano ug hugot nga seguridad sa militar ug kapulisan, nahimong paspas ug walay nakabalabag sa pagboto sa mga residente bisan pa man sa mga nahitabong untoward incident hangtod sa pagsera sa mga presinto sa gabii.
