Walay epekto sa ekonomiya sa nasud ang politikanhong desisyon sa Kamara nga tuldokan na ang mga impeachment complaints batok kang President Ferdinand Marcos Jr.
Namahayag si MSME RDC Chair Ray Talimio Jr., sa Bombo Radyo nga wala na sila matingala sa resulta sa mga gipasang-at nga impeachment cases batok sa pangulo tungod kay, matod pa niya, wala kini’y igong substansiya.
Sa hisgutanang ekonomikanhong epekto sa maong desisyon, giklaro ni Talimio nga wala gyuy maapektuhan nga sektor sa ekonomiya, tungod kay wala man maapil ang ekonomiya sa mga alegasyon nga gihisgutan sa mga reklamo.
Dugang pa niya, dinalian ang pagsaka sa mga kaso ug dinalian usab kini nadismiss.
Sa laing bahin, gilantaw usab ni Talimio kung unsa ang mahimong desisyon sa Committee on Justice sa mga impeachment complaints nga bag-ohay lang gisang-at batok kang Vice President Sara Duterte, ug kung madismiss ba usab kini sama sa nahitabo sa kaso batok sa pangulo. (James Oliver)
