CAGAYAN DE ORO CITY-Hugot gibarugan ni Regional State Prosecutor Merlynn Uy nga dili mahimo nga i-apelar sa Philippine Drugs Enforcement Agency Northern Mindanao ang pagbasura sa kasong illegal drugs nga giatubang ni kanhi Maguing Mayor Johaira Abinal Macabuat alyas Marimar nga residente sa Lanao del Sur.
Matud ni Uy nga “invalid search and seizure” ang gibasehan ni Regional Trial Court Branch 41 Presiding Judge Joeffrey Acebedo sa acquittal sa kaso.
Siya miingon nga manghinaut siya nga magsilbi kini nga leksyon sa mga law enforcers nga sundon ang legal requirements sa pagpatuman sa search warrants aron dili masayan ang ilang gihaguan.
Kahinumduman nga nakumpiskar sa mga operatiba ang 100 gramos sa suspected shabu ug mga armas sa panimalay sa suspek sa Brgy Kauswagan ning syudad niadtong Hulyo 23, 2016.
